Ni wazi kuwa AI au Artificial Intelligence ina nafasi kubwa sana kwenye maisha yetu ya kila siku, kuanzia kutengeneza ujumbe maandishi hadi kutengeneza picha na hata programu.
Kuliona hili leo nimekuletea programu bora maalum kwa ajili yako wewe mbunifu wa programu (Software Developer).
Kwa kuanza labda niwe mkweli, binafsi nimekuwa nikutumia AI kwa muda sasa kutengeneza baadhi ya programu na website mbalimbali na hakika mfumo wa AI umekuwa ni msaada mkubwa sana hasa linapokuja swala la kuokoa muda.
Sasa basi, bila kupoteza muda twende nikuonyeshe programu ambazo mimi natumia mara kwa mara kutengeneza programu mbalimbali.
TABLE OF CONTENTS
Claude AI
Japo kuwa hii sio programu lakini ni moja ya mifumo ya AI ambayo iko vizuri sana linapokuja swala la ubunifu wa programu. Ili kuweza kutumia vizuri Claude AI ni vyema kulipia kiasi cha $25 ambayo itakusaidia sana kufanya mambo mbalimbali.
Unaweza kudhani $25 ni nyingi lakini kama wewe ni mwandishi wa programu basi nadhani utanishukuru sana kufahamu kuwa mfumo huu unaweza kuwa msaada mkubwa sana kwako.
Kupitia toleo jipya la Claude 3.5 Sonnet, unaweza kuchukua picha ya app au website na ku-upload kwenye mfumo huo na moja kwa moja mfumo huo unaweza kutengeneza programu pamoja na code zenye muonekano kama picha unayotaka uliyo upload.
Unaweza kuona mfano mdogo wa Audio Player ambayo nimetengeneza ndani ya sekunde 30 kupitia tovuti ya Claude Hapa
Cursor
Programu nyingine ambayo imekuwa msaada mkubwa sana kwangu na natumaini pia kwako itakuwa msaada mkubwa ni programu ya Cursor. Programu hii inaweza kusaidia kufanya mambo mbalimbali kama vile kurekebisha error kwenye code na mambo mengine mbalimbali.
Programu hii imetengenezwa juu ya Visual Studio Code na unaweza kutumia kama unavyo tumia Visual Code lakini kupitia programu hii utaweza kutengeneza programu kwa kuuliza maswali au kuandika unachotaka programu hii iweze kutengeneza.
Unaweza ku-download programu hii kupitia mfumo wa Windows na Mac kupitia link hapo. Na uhakika ukianza kutumia programu hii itakuwa moja ya programu muhimu kwako.
ChatGPT
ChatGPT Kama wengi wetu tunavyojua huu ni mfumo ambao pengine ndio unatumiwa zaidi na watu kuliko mifumo mingine ya AI. Japo kuwa mfumo huu unatumiwa sana na watu wengi lakini inawezekana usiwe na uwezo wa ku-code kama ilivyo mfumo wa Claude AI (Inategemeana na Matumizi).
Kupitia toleo jipya la ChatGPT o1-preview unaweza kucode kwa umakini zaidi kwani toleo hili jipya linaweza kufikiria kwa umakini na kutatua matatizo ya code pamoja na mambo mengine kwa undani. Tofauti na matoleo mengine toleo hili lina nguvu zaidi hasa kwa wabunifu wa programu.
Unaweza kutumia kwa undani zaidi toleo la o1-preview kwa kulipia na utaweza kutumia toleo hili kwa muda mrefu zaidi.
Tembelea Toleo la ChatGPT o1-preview
v0 by Vercel
Mfumo mwingine wa AI ambao unaweza kutumia ku-code ni pamoja na mfumo wa v0 by Vercel. Kwa wale ambao wanatengeneza programu basi lazima unaijua Vercel, sasa kampuni hiyo nayo imekuja na mfumo mpya wa AI ambao unaweza kutumia kucode na kutengeneza UI za vitu mbalimbali.
Japo kuwa mfumo huu hauna nguvu kama mifumo mingine kwenye list hii lakini mfumo hii ni bora hasa kama unataka kutengeneza UI za vitu mbalimbali.
Tembelea Mfumo wa v0 by Vercel Hapa
Na hiyo ndio baadhi ya mifumo au programu za AI ambazo nimekuwa nikutumia kuweza kutengeneza programu mbalimbali. Mifumo hii imekuwa msaada mkubwa sana na pengine tutegemee kuona list hii ikiendelea kuongezeka zaidi siku za usoni.
Kama una maswali kuhusu makala hii, au kama kuna mahali unahitaji msaada au maelezo zaidi unaweza kuandika kupitia sehemu ya maoni hapo chini.
Kwa makala zaidi kama hizi hakikisha una tembelea Tovuti ya Tanzania Tech kila siku, pia pakua app ya Tanzania Tech kupata habari mpya kila siku kwa haraka.
