Kama wewe ni mmoja wa watumiaji wa Android TV basi makala hii ni maalum kwa ajili yako, kupitia makala hii nitaenda kuonyesha apps muhimu kuwa nazo kwenye TV yako yenye mfumo wa Android.
Apps tutakazo onyesha hapa ni tofauti kabisa na zile ambazo tulizionyesha mwaka 2022, hivyo hakikisha unasoma makala hii hadi mwisho ili kujua apps zote. Pia bado apps ambazo tulizitaja kwenye makala iliyopita ni bora hivyo unaweza pia kutumia apps hizo kwenye TV yako.
atvTools
atvTools ni app muhimu sana kwani itakusaidia kufanya mambo mbalimbali kwenye TV yako kwa kutumia simu yako ya mkononi ya Android. Kupitia app hii unaweza kudownload apps kupitia simu yako na zitaonekana moja kwa moja kwenye TV yako, utaweza kutumia simu yako kama Remote, utaweza kutuma mafile yaliyo kwenye simu yako kwenda kwenye TV yako, utaweza kuinstall apk kutoka kwenye simu yako na apps ita onekana kwenye TV na mambo mengine mengi.
Local Send
Kama kwa namna yoyote unahitaji kutuma mafile makubwa kutoka kwenye simu yako kwenda kwenye TV basi app hii ni muhimu sana kuwa nayo kwenye TV yako. Kupitia app hii unaweza kutuma files kwa haraka kutoka kwenye simu (Android na iOS), kompyuta (za aina zote) kwenda kwenye TV yako.
Browser
Kama unataka kivinjari browser nzuri na bora kwenye TV yako basi app hii ni muhimu sana kuwa nayo kwenye TV yako. Mbali ya kuwa zipo browser nyingi sana ikiwa pamoja na zile zinazokuja na TV moja kwa moja, lakini zote hazifanani na browser hii kwani ni browser bora sana. Mbali na hayo pia unaweza kuendesha browser hii kupitia simu yako, yaani kila unacho kifanya kitakuwa kinaonekana kwenye TV moja kwa moja.
Aerial Views screensaver
Kama wewe ni mmoja wa watu ambao wanatumia TV yako kama pambo sebuleni kwako au hata ndani ya studio yako basi app hii ni bora sana kwako. App hii ina kusaidia kuweka Video za 4K au video zozote kama screensaver. App hii ni nzuri sana kuwa nayo.
Just (Video) Player
Wote tunajua kuwa VLC ni moja ya player bora sana, lakini kwa bahati mbaya haifanyi kazi kwenye baadhi ya Android TV. Kuliona hili nimekuletea app bora ambayo ni Video Player kwa ajili ya TV yako app hii ina karibia sifa zote za VLC ikiwa moja na uweza wa kuplay format zote kama MP4, MKV, VOD na format nyingine nyingi.
Na hizo ndio apps 5 muhimu ambazo unaweza kutumia kwenye TV yako yenye mfumo wa Android, Kama unataka kujifunza zaidi hakikisha unasoma hapa jinsi ya kuangalia channel zaidi ya 5000+ kupitia Android TV. Kukaa karibu na sisi unaweza kupakua app ya Tanzania Tech kupitia Play Store.
