Kampuni ya mawasiliano ya Vodacom Tanzania Plc imezindua teknolojia ya kwanza ya 5G nchini katika kile kinachoahidi kuleta mabadiliko katika safari ya kidijitali nchini.
Teknolojia hiyo mpya iliyozinduliwa jijini Dar es Salaam Septemba 1 na Kaimu Mkurugenzi Mtendaji wa kampuni hiyo, Hilda Bujiku mbele ya Waziri wa Habari, Mawasiliano na Teknolojia ya Habari, Nape Nnauye, ikiwa ni kiwango cha juu kuliko iliyokuwa teknolojia ya 4G.
“Ahadi yetu ni kuendelea kutumia teknolojia katika kuboresha maisha ya watanzania na kuongoza mageuzi ya kidijitali, tunapozindua 5G tunapanga kufikia asilimia 90 ya Watanzania wenye 3G na 45 ifikapo 2024,” alisema Bujiku ya Vodacom.
Kwa upande wa kasi, 5G inatoa kasi mara 40 zaidi na ufanisi kufikia hadi 500mbps na wigo wa kutosha. Ilipojaribiwa kwenye kifaa cha rununu wakati wa uzinduzi, mtandao wa 5G ulifikia 287mbps ndani ya chini ya sekunde 4.
Akihutubia hadhara hiyo, Mkurugenzi wa Mtandao wa Vodacom Tanzania, Andrew Lupembe alitoa muktadha wa kwa nini 5G badala ya kuboresha 4G nchini, alisema; “4G ni nzuri, lakini kutokana na matakwa ya jamii, kulikuwa na hitaji la teknolojia ya hali ya juu yenye lateceny ya chini, hivyo 5G. Itashughulikia changamoto nyingi nchini Tanzania,” alifafanua.
Utoaji wa 5G utaanza kwa kuanzisha zaidi ya sehemu 200 za 5G katika mikoa ya Tanzania kama vile Dar es Salaam, Arusha, Dodoma, Mwanza, Iringa, Kagera, Njombe, na pia Zanzibar, miongoni mwa maeneo mengine ifikapo Novemba 2022.
