App ya WhatsApp Business Kuja Rasmi Kwa Watumiaji wa iOS

Sasa watumiaji wa iphone wataweza kurahisha mawasiliano

Programu ya WhatsApp Business au WhatsApp ya Biashara, imetengenezwa kwa ajili ya kurahisisha mawasiliano kati ya watumiaji wa WhatsApp na wamiliki wa biashara ndogo ndogo. Programu hiyo ilizinduliwa rasmi mwezi wa tisa mwaka 2017 na kipindi hicho ilikuwa ni maalum kwa watumiaji wa mfumo wa Android.

Tokea mwaka 2017 hadi sasa ambapo ni takribani mwaka mmoja na miezi kadhaa, sasa WhatsApp imetangaza kuleta programu hiyo kwa watumiaji wa iOS. Kwa mujibu wa ripoti kutoka tovuti ya WhatsApp, programu hiyo imeanza kupatikana kuanzia siku ya jana kwa watumiaji wa iOS wa nchi za Brazili, Ujerumani, Indonesia, India, Mexico, Uingereza na Marekani.

App ya WhatsApp Business Kuja Rasmi Kwa Watumiaji wa iOS

Hata hivyo kupitia tovuti hiyo WhatsApp imeandika kuwa programu hiyo itawafikiwa watumiaji wote wa mfumo wa iOS kote duniani ndani ya wiki kadhaa zinazokuja. WhatsApp pia imetangaza kuwa watumiaji wote wa iOS pia watakuwa na uwezo wa kutumia programu mpya kwa ajili ya kompyuta ambayo inategemewa kuja sambamba na programu hiyo ya mfumo wa iOS.

WhatsApp Kuleta Sehemu Mpya ya "Share Live Location"

Mbali na hayo kwa upande wa WhatsApp ya kawaida, hivi karibuni watumiaji wa programu hiyo wataweza kuzuia watu wasio wajua kuweza kuwaalika kwenye magroup bila ruhusa. Sehemu hiyo inategemea kuja hivi karibuni kwa watumiaji wote wa programu ya WhatsApp ya iOS na Android. Kujua zaidi kuhusu sehemu hii soma hapa.

Amani Joseph

Imeandikwa na Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.