Instagram Yaja na Aina Mpya ya Stika za Kuuliza Maswali ya Kuchagua

Sasa utaweza kuuliza maswali ya kuchagua kwenye ukurasa wako wa Instagram

Mwaka 2017 Instagram ilianzisha stika za maswali au Poll Stickers ambazo zinamruhusu mtumiaji wa mtandao wa Instagram kuweza kuuliza maswali kupitia sehemu ya Stories, Lakini kama haitoshi hivi leo instagram imekuja na aina nyingine ya Stika za maswali ambazo zina kuwezesha kuuliza maswali ya kuchagua kupitia sehemu ya Stories.

Stika hizo mpya ambazo tayari zinapatikana kwenye mtandao wa Instagram, zina kuwezesha kuuliza maswali ya kuchagua huku ukiweka jibu la swali lako kwa ajili ya wafuasi wako kuweza kuona pale watakapo chagua jibu ambalo sio sahihi.

Instagram Yaja na Aina Mpya ya Stika za Kuuliza Maswali ya Kuchagua

Sehemu hiyo mpya ya kuuliza maswali ambayo imepewa jina la Quiz sticker kwa sasa tayari inapatikana kwa watumiaji wote na ili kuweza kuipata unahitajika kutengeneza Stories kwenye ukurasa wako wa instagram, kisha chagua sehemu ya Stika kisha utaona stika mpya iliyo andikwa QUIZ kwa herufi kubwa.

Chagua hapo kisha andika swali lako kisha andika majibu yako kisha weka alama ya tiki kwenye jibu la swali lako kisha unaweza kubadilisha rangi ya juu ya swali lako kwa kubofya kitufe cha rangi kilichopo juu katikati, baada ya kumaliza yote utamaliza kwa kubofya Done na moja kwa moja utakuwa umeweza kuuliza maswali ya kuchagua kupitia sehemu hii mpya ya Quiz sticker.

Kampuni ya Google Yatangaza Huduma Mpya ya Youtube TV

Sehemu hii haitaji ku-update app ya instagram, hivyo kama kwa namna yoyote bado hujaona sehemu hiyo basi usijali kwani itawezeshwa baada ya muda mfupi.

Amani Joseph

Imeandikwa na Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.