Sasa Unaweza Kushare Video za IGTV Kwenye Stories

Sasa pata wafuasi wengi kwa kutumia sehemu ya IGTV na Stories

Mtandao wa Instagram hivi leo umetangaza sehemu mpya kabisa kwenye app yake, sehemu ambayo itakuwa ikikusaidia kuweza kushare video zako za kwenye IGTV kwenda kwenye sehemu ya Stories.

Hapo awali ilikuwa ni rahisi kushare video kwa kuweka link maalum kupitia stories ambayo link hiyo inapo bonyezwa humpeleka mtazamaji kwenye IGTV kwa ajili ya kuangalia video nzima.

Sasa sehemu hiyo mpya itakuwa ni rahisi zaidi kwani, Sehemu hiyo kupitia IGTV itakuwa inapatika kwa kubofya kitufe cha mshale kilichopo pembeni ya kitufe cha comment na kisha chagua sehemu ya “Add video to your story” na baada ya hapo picha ya video ya IGTV itakuwa juu pamoja na link maalum ya kuangalia video kamili pale utakapo bofya picha hiyo.

Kwa sasa sehemu hii tayari ipo kwenye app ya instagram na unaweza kuitumia sasa hivi, kama bado ujaona sehemu hii hakikisha una update app yako ya Instagram na utaona sehemu hii unapokuwa unaangalia video zako ndani ya IGTV.

Tanzania Tech

Follow us @ Tanzania Tech

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.