Sasa Unaweza Kutuma Stika kwa Kutumia App ya WhatsApp

Sasa jiandae kutuma na kupokea stika ndani ya programu ya WhatsApp

Kampuni ya Facebook bado inaendelea kufanya maboresho ya programu zake yaliyo ahidiwa hapo awali kwenye mkutano wa F8 2018, Maboresho mapya kipindi hichi ni maboresho yanayohusu programu ya WhatsApp, maboresho hayo yanahusu sehemu mpya ya stika ambayo sasa watumiaji wataweza kutumiana stika hizo moja kwa moja ndani ya programu hiyo.

Kupitia blog ya yake WhatsApp imeandika kuwa sehemu hiyo itakuja hivi karibuni kupitia mfumo wa iOS na baadae kuja kwenye mfumo wa Android. Kwa mujibu wa blog hiyo sasa utaweza kupata sehemu hiyo kupitia sehemu ile ya emoji inayopatikana kushoto na baada ya kubofya hapo utaona sehemu mpya stika ambayo itakuwa inaonekana pembeni ya GIF.

Kupitia sehemu hiyo mtumiaji ataweza ku-download stika moja kwa moja kabla ya kutumia na pia utaweza kutumia programu mbalimbali za stika ili kuongeza idadi ya stika hizo. Mbali na hayo WhatsApp imetoa nakala maalum ambayo inawahusu wabunifu ambao wanataka kubuni stika kwaajili ya sehemu hiyo mpya ya stika ndani ya WhatsApp.

Kwa sasa kama bado hujapata sehemu hii mpya hakikisha unasasisha (update) toleo jipya la App ya WhatsApp kupitia masoko ya Play Store pamoja na App Store.

Amani Joseph

Imeandikwa na Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.