in

Mfumo Mpya wa macOS 10.13.5 Haya Ndio Mabadiliko Mapya

Sasa unaweza kusasisha toleo jipya la macOS kwenye kompyuta yako ya Mac

mfumo mpya wa macOS 10.13.4

Kama wewe ni mtumiaji wa kompyuta yenye mfumo wa macOS basi ni vyema nikakujuza kuwa Apple wametoa toleo jipya la mfumo huo wa uendeshaji kwa ajili ya kompyuta za Mac. Mfumo huo mpya unakuja na maboresho machache kama ilivyokuwa kwenye mfumo wa uendeshaji wa iOS 11.4.

Maboresho makubwa yaliyopo kwenye mfumo wa macOS 10.13.5 ni pamoja na uwezo wa kuhifadhi meseji kwenye iCloud ambapo utaweza kuona meseji zako kwenye vifaa vyako vyote ikiwemo sasa na kompyuta za Mac. Mbali na hayo utaweza kuhifadhi meseji hizo na endapo utanunua kifaa kipya cha Apple chenye uwezo wa iMessage, basi utaweza kurudisha meseji zako zote kwenye kifaa hicho na meseji zako zitarudi kama kwenye kifaa chako cha awali. Hata hivyo, hayo yatakuwa yanawezekana endapo unatumia Apple ID moja kwenye vifaa vyako vyote.

Mbali na hayo maboresho mengine ni pamoja na maboresho ya ulinzi, ambayo yamefanyika kwenye programu ya Mail App ambayo ilikuwa inaruhusu wadukuzi kusoma barua pepe zilizofichwa, Vilevile Apple pia imeweka ulinzi kwenye app ya iBooks ambayo likuwa inaruhusu wadukuzi kutumia programu hiyo bila kuweka password. Mbali na uboreshaji hayo, Toleo hilo jipya la MacOS High Sierra pia imepokea maboresho kadhaa ya kuongeza ubora na ufanisi.

Toleo hilo jipya la mfumo wa macOS 10.13.5 sasa linapatikana kwenye kifaa chako unaweza kusasisha toleo hilo jipya kwenye kifaa chako sasa.

Download Programu ya Microsoft Office 2019 Pro Plus
Amani Joseph

Written by Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Maoni 1

Toa Maoni Hapa

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.