in

Kutana na Kifaa Chenye Uwezo wa Kusikia Mawazo Yako

Utaweza kuendesha vifaa vya kieletroniki kwa kuwaza pekee

Teknolojia inaendelea kukua kila siku na ni wazi kuwa kila siku wataalamu hufanya ugunduzi mpya unao husisha maswala ya Teknolojia na kufanya teknolojia kusonga mbele kwa kasi kubwa. Kulionyesha hili, leo nimekuandalia hii ya kifaa kipya cha kwanza chenye uwezo wa kusikia mawazo yako.

Kifaa hicho kime tengenezwa na wataalamu kutoka chuo cha MIT huko nchini marekani, na inasemekana kifaa hicho kwa sasa kinao uwezo maalum kusikia mawazo yako na kuyapeleka moja kwa moja kwenye kompyuta. Kwa maana nyingine ni kwamba, kwa sasa kifaa hicho kinasaidia mtu kufanya mambo mbalimbali kwenye kompyuta au vifaa mbalimbali ya kieletroniki kwa kutumia au kwa kusikiliza mawazo yako.

Jinsi kifaa hichi kinavyofanya kazi ni kuwa, kifaa hichi kina pima signal maalumu zinazohusika na mawazo ndani ya ubongo na kwenye uso wako zinazoitwa neuromuscular signals, Sasa signals hizo hutafsiri kwa kutumia mfumo wa AI au Artificial Intelligence ambao hubadilisha signal hizo kwenda kwenye mfumo wa programu ambao husaidia vitu vya kieletroniki kuweza kufanya kazi, yaani kama vile rimoti ya TV yako inavyofanya kazi lakini sasa mawazo yako ndio mkono unao bonyeza rimoti hiyo.

Sasa Instagram Kutoa Taarifa Kabla ya Kufunga Akaunti Yako

Kwa sasa hifaa hicho kinauwezo mdogo kama wa kusema saa pale utakapo waza ni muda gani, kutumika kuchagua programu mbalimbali kwenye TV, pamoja na mambo mengine madogo madogo. Vilevile kwa muonekano bado kifaa hicho ni kikubwa sana hivyo labda miaka ya karibuni kifaa hicho kitaboresho na hapo kutakua hakuna haja ya kutumia simu yako kumpigia mtu, bali sasa utaweza kuwaza kumpigia mtu na simu itaweza kuita hapo hapo.

Nini maoni yako kuhusu kifaa hichi..? Tuambie kwenye maoni hapo chini.

Amani Joseph

Written by Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Maoni 2

Toa Maoni Hapa
  1. Habari mjengoni,
    Nimepakuwa happ yako haifunguki hata kidogo,
    Inaniambia error retriving network kila nitakapoifungua happ yenu

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.