in

Sophia Roboti Kama Binadamu Iliyopewa Uraia wa Saudi Arabia

Roboti hii inauwezo wa kujifunza mambo mapya kadri siku zinavyokwenda

Sophia Roboti

Sophia ni roboti ambayo iko mithili ya binadamu ambayo imetengenezwa na kampuni maarufu ya utengenezaji wa roboti ya Hanson Robotics. Kampuni hiyo ina makao yake makuu huko Hong Kong na ni moja kati ya kampuni inazojulikana sana kwa utengenezaji wa roboti kama binadamu maarufu kama (humanoid robot).

Hivi karibuni kampuni hiyo ilitangaza rasmi kwa umma roboti kama binadamu iliyopewa jina la Sophia, kwa mujibu wa roboti hiyo Sophia aliwashwa rasmi tarehe 19 April mwaka 2015 na kwa kipindi chote hicho cha miaka miwili sophia alikuwa akifundishwa mambo mbalimbali.

Mbali na uwezo wake wa kuongea Sophia anauwezo wa kutambua mambo mbalimbali kama hali ya hewa pamoja na uwezo wa kuonyesha hisia kwenye uso wake yaani (facial expression). Kwa kutumia uso wake wenye sura ya muigizaji wa zamani Audrey Hepburn, Sophia anauwezo wa kuonyesha kama amekasirika, kama amefurahi na kama amenuna.

Kwa mujibu wa mtengenezaji wake David Hanson, Sophia ametengenezwa kwa kutumia teknolojia za (Artificial Intelligence) kwaajili ya kujifunza mambo mapya, (Visual Data Processing) kwaajili ya kuona pamoja na (Facial Recognition) kwaajili ya kutambua sura za vitu na watu mbalimbali.

Kampuni ya Oracle Kusimamia Mtandao wa TikTok Marekani

Kwa sasa Sophia amepewa uraia wa nchini Saudi Arabia na ameingia kwenye rekodi ya kuwa roboti wa kwanza duniani kupewa uraia wa nchi. Sophia amekuwa akiojiwa kwenye mikutano mbalimbali na hivi karibuni roboti hUyo aliojiwa na Umoja wa Mataifa UN na kueleza kuwa yuko kutoa msaada kwa binadamu kutengeneza maisha ya badae.

Watu mbalimbali duniani wamekua na hisia tofauti kwa kusema kuwa roboti huyo hakutakiwa kutengenezwa akiwa na uwezo huo. Je nini maoni yako unaonaje kuhusu roboti hizi..? unahisi zinaweza kuja kuwa msaada kwa binadamu au adui kwa binadamu tuandikie kwenye maoni hapo chini.

Kwa habari zaidi za teknolojia hakikisha una download App ya Tanzania Tech kupitia Play Store pia usasahau kujiunga na channel yetu ya Tanzania Tech kupitia Youtube ili uweze kupata habari zote za teknolojia kwa njia ya Video.

Amani Joseph

Written by Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Maoni 1

Toa Maoni Hapa

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.