Kama wewe ni mmoja wa watumiaji wa simu za Android basi ni muhimu sana kusoma makala hii na ni vizuri umepata makala hii ili kuweza kujua yale ya muhimu kuhusu mfumo huo wa simu yako yani Android. Hivyo basi kama kwa muda sasa umekuwa ukisumbuliwa na matangazo usiyoyaelewa basi hii ndio sababu…

Kwa muda sasa toka mwezi wa Tano (May) kumetangazwa habari ya Malware mpya ambazo zinaingia kwenye mfumo wa simu yako ya Androd kupitia soko maarufu la Play Store, habari hizi zilitolewa na kampuni ambayo inafanya utafiti wa virus na malware mbalimbali mtandaoni inayoitwa Check Point. Hawa jamaa walifanya uchunguzi na kugundua kuwa kuna aina hiyo mpya ya malware ambayo inatwa Judy Malware.

Judy Malware ni aina ya virusi ambayo inapatikana au inangia kwenye simu yako kupitia baadhi ya programu (App) za android ambazo ziligunduliwa na kampuni hiyo. Hata hivyo wataalamu hao waliweza kujua jinsi malware hizo zinavyofanya kazi, Katika ripoti yake kampuni hiyo ilisema kuwa malware hizo zinapoingia kwenye simu yako zinafanya matangazo kuwepo kwenye simu yako na inachofanya kikubwa ni kubonyeza matangazo hayo yenyewe ili kutengeneza pesa kwa watu walio tengeneza malware hizo, hivyo kupelekea matangazo kuwa mengi sana kwenye app hizo ambazo zimeadhiriwa na Malware hao maarufu kama Judy.

Aitha katika ripoti hiyo kampuni ya checkpoint ilisema kuwa malware hizo hazichukui kitu chochote kutoka kwenye simu yako bali inachofanya ni kuongeza matangazo kwenye simu yako na kupelekea simu yako kuisha chaji haraka kama nilivyo elezea kwenye makala ya sababu za simu yako kuisha chaji haraka, lakini pia haimaanishi kuwa malware hizo sio hatari kwani zimeweza kupita uchunguzi wa Google japo kuwa Google inatumia anti malware na anti virus zenye uwezo wa hali ya juu sana lakini kwenye malware hizi kampuni hii imeshindwa kugundua app hizo.

Hata hivyo kampuni ya Check Point iliweza kuendelea zaidi na kusema programu nyingi zenye malware hizo zimetengenezwa na kampuni ya Korea ambayo imesajili jina lake kwenye soko la Play Store kama ENISTUDIO corp, kampuni inayotengeneza programu za mifumo yote ya Android pamoja na iOS. Kampuni hiyo iliongeza kuwa iliweza kutoa taarifa kwa Goole kuhusu kampuni hii na Google imefanya hatua za kuondoa programu hizo lakini bado kampuni hiyo imetadharisha watumiaji wa andoid kuwa makini na kuto kudownload programu zifuatazo.

Fashion Judy: Snow Queen style
Animal Judy: Persian cat care
Fashion Judy: Pretty rapper
Fashion Judy: Teacher style
Animal Judy: Dragon care
Chef Judy: Halloween Cookies
Fashion Judy: Wedding Party
Animal Judy: Teddy Bear care
Fashion Judy: Bunny Girl Style
Fashion Judy: Frozen Princess
Chef Judy: Triangular Kimbap
Chef Judy: Udong Maker – Cook
Fashion Judy: Uniform style
Animal Judy: Rabbit care
Fashion Judy: Vampire style
Animal Judy: Nine-Tailed Fox
Chef Judy: Jelly Maker
Chef Judy: Chicken Maker
Animal Judy: Sea otter care
Animal Judy: Elephant care
Judy’s Happy House
Chef Judy: Hotdog Maker – Cook
Chef Judy: Birthday Food Maker
Fashion Judy: Wedding day
Fashion Judy: Waitress style
Chef Judy: Character Lunch
Chef Judy: Picnic Lunch Maker
Animal Judy: Rudolph care
Judy’s Hospital:pediatrics
Fashion Judy: Country style
Animal Judy: Feral Cat care
Fashion Judy: Twice Style
Fashion Judy: Myth Style
Animal Judy: Fennec Fox care
Animal Judy: Dog care
Fashion Judy: Couple Style
Animal Judy: Cat care
Fashion Judy: Halloween style
Fashion Judy: EXO Style
Chef Judy: Dalgona Maker
Chef Judy: ServiceStation Food

Kwa mujibu wa kampuni hiyo, kama ume install moja ya programu hapo juu basi ondoa haraka programu hiyo na kutokana na kwamba hakuna njia ya kuondoa malware hao kwenye simu basi ni lazima kufanya format ya simu yako moja kwa moja. Kama unataka kusoma taarifa kamili inapatika kupitia ukurasa huu.

Basi hiyo ndio taarifa ambayo nimeona nikusogeze kwani naona ina uzito ukitegemea malalamiko ya simu kupata moto au kuisha chaji yamekuwa mengi, pengine hii ndio sababu. Haya basi Ili kuhakikisha upitwi na habari za muhimu kama hizi hakikisha unatembelea Tanzania Tech kila siku, kumbuka pia unaweza kudownload App ya Tanzania Tech ili kupata habari zote kwa haraka zaidi, pia usisahu kujiunga na channel yetu ya Tanzania Tech ili kupata habari na maujanja mbalimbali ya teknolojia kwa njia ya video.