in

Panasonic Yazindua Televisheni Yenye Kioo Kisichoonekana

Kampuni ya Panasonic imezindua tv yake ya kwanza yenye kioo kisichonekana yani kama Glass

Kampuni maarufu ya Panasonic yenye makao yake makuu huko Osaka nchini Japan hivi karibuni ilizindua TV yake ya kwanza yenye kioo kisichoonekana. Televisheni hiyo ambayo ilikuwa moja kati ya bidhaa mbalimbali zilizokwemo kwenye maonyesho ya CES yanayo fanyika kila mwaka na kampuni hiyo ya panasonic inasemekana ndio Televisheni ya kwanza ya aina hiyo kutengenezwa na kampuni hiyo maarufu ya teknolojia ya Panasonic.

Ikiwa imetengenezwa kwa teknolojia ya HDTV pamoja na OLED televisheni hiyo kutoka Panasonic ina muonekano mzuri ambao pale tu inapo zimwa huonekana kama Glass yenye utupu kabisa yaani (Transparent). Hata hivyo TV hiyo inauwezo wa kuwekwa sehemu yoyote ile kwa mfano TV hiyo inao uwezo wa kufungwa kama kioo cha kabati lako na pale tu TV hiyo inapowashwa hubadilika na kuwa televisheni yenye kuonyesha picha angavu pengine kuliko TV zingine za kawaida.

Kwa sasa kampuni ya Panasonic inafanya bidii kubwa kutengeneza televisheni pamoja na bidhaa mbalimbali zenye kutumia teknolojia za kisasa zaidi ambazo baadhi ya kampuni zilishindwa kutengeneza hapo awali, kwa mfano hapo kampuni ya teknolojia ya Apple nayo ilishwa wahi kutangaza kufanya majaribio ya kutengeneza televisheni zenye kutumia teknolojia hizo za vioo visivyonekana lakini baadae kampuni hiyo ilamua kuachana na majaribio hayo ya kutengeneza televisheni hizo baada ya kuonekana kutumia gharama kubwa za kuwezesha teknolojia hiyo.

Nokia Yazindua Smart TV Mpya ya Inch 43 Yenye 4K LED

Bado haija julikana lini televisheni hizo zitaingia sokoni lakini usiwe na wasiwasi ili kujua bei pamoja na ni lini TV hizo zitaingia sokoni endelea kutembelea blog ya Tanzania tech au unaweza kupata habari zote za teknolojia moja kwa moja kwenye simu yako ya mkononi kwa ku-download App ya Tanzania tech  kwenye simu yako ya Android, au pia unaweza kujiunga nasi kwa barua pepe pamoja na mitandao yetu ya kijamii ya Facebook, Twitter, Instagram pamoja na Yotube  ili kupata habari mbalimbali za teknolojia pamoja na kujifunza mambo ya teknolojia kwa njia ya video.

Amani Joseph

Written by Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.