Kama unataka kuhifadhi video zako za youtube ili kuangalia baadae lakini unapata shida sasa yote hayo yataisha kwani hivi karibuni kampuni ya Google inategemea kutambulisha programu yake mpya ambayo inategemewa kuitwa Youtube Go.
Youtube Go ni programu ambayo itakusaidia kuhifadhi video zako za Youtube kwa mpangilio wa kisasa na kwa kutumia memory ya simu yako ili kukuwezesha kuangalia video zako baadae bila kutumia internet (bando). Tofauti na sehemu iliyo kwenye programu ya Youtube ya sasa, programu hiyo mpya ya Youtube Go itakuwezesha kushiri na wengine video hizo kwa njia ya bluetooth moja kwa moja kutoka kwenye programu hiyo.
Katika utambulishi wa programu hiyo uliofanyika huko New Delhi India, kampuni ya Google ilidhibitisha kuwa programu hiyo mpya itaanza kupatikana kwenye nchi hiyo alafu baadae ndipo itakapokuja kwenye nchi zingine. Kwa sasa kampuni ya Google inchini india inafanya usajili wa awali kwa wale wanaopenda kujaribu programu hiyo pale tu itakapotoka.
Kama unataka kujua pale programu hii itakapo fika Tanzania endelea kutembelea blog ya Tanzania tech kila siku au unaweza kupata habari zote za teknolojia moja kwa moja kwenye simu yako ya mkononi kwa ku-download App ya Tanzania tech moja kwa moja kwenye simu yako ya Android, pia unaweza kujiunga nasi kwa barua pepe pamoja na mitandao yetu ya kijamii ya Facebook, Twitter, Instagram pamoja na Yotube ili kujifunza mambo mbalimbali ya teknolojia kwa njia ya video.
